पाबळ प्रतिनिधी:जिजाबाई थिटे
शिरूर पंचायत समितीच्या वतीने नुकताच यशवंतराव चव्हाण कला व क्रीडा सांस्कृतिक महोत्सवाच्या आयोजन करण्यात आले होते. यावेळी गटविकास अधिकारी महेश डोके यांनी विद्यार्थ्यांना संबोधित करताना शालेय जीवनातच विद्यार्थ्यांचा सर्वांगिण विकास शक्य असल्याचे मत व्यक्त केले. याप्रसंगी कार्यक्रमाचे उद्घाटन त्यांच्या हस्ते सेंट जोसेफ इंग्लिश मीडियम स्कूलच्या प्रांगणात झाले.
डोके पुढे म्हणाले की शिरूर तालुका संपूर्ण जिल्ह्यामध्ये शैक्षणिक क्षेत्रामध्ये अग्रेसर आहे ही निश्चितपणानं आपणां सर्वांसाठी अभिमानाची गोष्ट आहे शिरूर तालुक्यामध्ये शिक्षक करत असलेले काम कौतुकास्पद आहे याप्रसंगी तालुक्याचे गटशिक्षणाधिकारी अनिल बाबर उपस्थितीतांना मार्गदर्शन करताना म्हणाले की विद्यार्थ्यांचा शारीरिक आणि मानसिक संतुलित विकास व्हायचा असेल शिक्षणेत्तर उपक्रम प्रभावीपणे राबवून आनंददायी शिक्षण देणे गरजेचे आहे त्या दृष्टीने आपण सर्वजण प्रयत्न करूया.
